UNIFEM á Íslandi stendur fyrir viðburðum í samvinnu við Alþjóðlega kvikmyndahátíð í Reykjavík í tengslum við sýningar sex verðlaunamynda í mannréttindaflokki hátíðarinnar. Myndirnar eru frá öllum heimshornum, ólíkar að efnistökum og eiga það sameiginlegt að segja sögu fólks, kvenna, karla og barna, sem þráir öryggi og yfirráð yfir eigin lífi. Dagana 4.-7. október verða fundir sem ætlað er að vekja áhorfendur myndanna og almenning allan til umhugsunar og umræðu.

Fimmtudaginn 15. september verður haldinn félagsfundur UNIFEM á Íslandi í Miðstöð Sameinuðu þjóðanna, Skaftahlíð 24 kl. 20:00 - 21:30. Á fundinum verður umfangsmikil dagskrá vetrarins kynnt. Þar má nefna samstarf við Alþjóðlega kvikmyndahátíð í Reykjavík 29. september til 9. október (sjá www.filmfest.is) en sex áhrifamiklar myndir verða sýndar í mannréttindaflokki hátíðarinnar; alþjóðlegu ráðstefnuna Konur í hnattrænum heimi - Peking áratug áleiðis (smella hér); 16 daga átak gegn kynbundnu ofbeldi; og morgun- og hádegisverðarfundi í Reykjavík og á Akureyri 25. nóvember. Í lokin verður stutt innlegg um ástand mála hjá konum í Írak, Íran og Afganistan þar sem útlit er fyrir að völdin séu að færast í hendur harðlínumanna.

Allir velkomnir. Léttar veitingar!