UNIFEM á Íslandi leitar að jákvæðu og dugmiklu fólki til að sinna fjáröflun og kynningarstörfum fyrir samtökin í sumar. Starfið felst í því að kynna starf UNIFEM með götukynningu og úthringingum og bjóða fólki að gerast styrktaraðilar. Um er að ræða hálft starf sem fer að mestu leiti fram seinni part dags og um kvöld. Viðkomandi þarf að vera opinn, framfærinn, áreiðanlegur og vera sjálfstæður í vinnubrögðum. Áhugi og þekking á þróunarmálum, kvenréttindum og málstað UNIFEM er kostur.

Umsóknarfrestur til 20. maí 2010.

Áhugasamir umsækjendur sendi ferilskrá og umsókn á Þetta netfang er varið fyrir ruslrafpósti, þú þarft að hafa Javascript virkt til að skoða það . Nánari upplýsingar í síma 552-6200.

Sýning á heimildarmyndinni  Börn til sölu hefst kl. 12 en umræður taka við kl. 13

Hvort tveggja í húsnæði Miðstöðvar SÞ að Laugavegi 42, sunnudaginn 2. maí.

Börn til sölu

Maríu Sigrúnu Hilmarsdóttur þekkja flestir úr sjónvarpsfréttum RÚV, en hún gerði einnig heimildarmyndina Börn til sölu sem kom út í fyrra. Á hverju ári eru tugþúsundir ungra, kambódískra stúlkna seldar í þrælkunarvinnu, kynlífsánauð og vændi. Í myndinni er fylgst með lífi nokkurra stúlkna, rætt við stúlkur sem eru í kynlífsánauð, stúlkur sem tekist hefur að bjarga og hjálparstarfsmenn á svæðinu. Leitað er svara við spurningum eins og: Hvað fær foreldri til að selja börnin sín, hvernig fer mansalið fram og hvað er verið að gera til þess að stöðva þessa þróun. Sjá stiklu úr myndinni hér.

UNIFEM í Kambódíu

Steinunn Gyðu- og Guðjónsdóttir framkvæmdastýra UNIFEM á Íslandi heimsótti í fyrrasumar skrifstofu UNIFEM í Kambódíu. Í ferðinni kynntist hún þeim verkefnum sem UNIFEM vinnur þar í landi til að bæta stöðu og réttindi kvenna. Steinunn mun segja frá kvennaathvarfi fyrir þolendur ofbeldis, samtökum sem vinna að betra lífi fyrir HIV smitaðar konur og fræðslu fyrir farandverkakonur um réttindi sín.

Spennandi og skemmtilegar UNIFEM umræður í maí!