Gamaldags föndur, prjón og hekl undir ljúfum tónum Lay Low
föstudagur, 06 nóvember 2009
Langar þig til þess að leggja þitt af mörkum í baráttu fyrir réttindum kvenna um allan heim?
Eða, finnst þér gaman að klippa, líma, prjóna, þæfa, hekla eða bara spjalla við skemmtilegt fólk?
Mánudaginn næstkomandi, 9. nóvember, kl. 17-19 verður föndurstund hjá UNIFEM á Íslandi! Í lok mánaðarins mun UNIFEM á Íslandi halda upp á 20 ára afmælið sitt og eins og í öllum góðum afmælisveislum þarf að skreyta! Þess vegna ætlar fólk af öllum stærðum og gerðum að hittast hjá UNIFEM og föndra saman. Eins og áður leggjum við áherslu á fiðrildaáhrifin, þ.e. að eitthvað lítið getur skapað aðstæður fyrir miklar breytingar annars staðar. Þess vegna ætlum við að búa til helling af fiðrildum!
Stella Samúelsdóttir og Inga Dóra Pétursdóttir fjalla um líf og stöðu kvenna í Malaví á UNIFEM-UMRÆÐUM laugardaginn 7. nóvember kl 13:00 í húsnæði Miðstöðvar Sameinuðu þjóðanna að Laugavegi 42.
Af hverju að mennta konur?
Stella Samúelsdóttir fjallar um menntun kvenna í Malaví – hver er staðan í dag og hvernig hefur hún verið að þróast. Af hverju er lögð áhersla á að bæta menntun kvenna?
Stella starfaði í fimm ár sem verkefnastjóri hjá ÞSSÍ í Malaví. Hún hefur lokið námi í mannfræði, alþjóða samskiptum og opinberri stjórnsýslu.
UNIFEM á Íslandi
býður á ný á framandi kvennaslóðir í LANGTÍBURTUISTAN á Menningarnótt.
Hljómsveitin Moskvitsj mun leika tónlist úr ýmsum áttum
Langar þig til að
kynnast veröld kvenna í þróunarlöndunum? Komdu þá á opið hús á Menningarnótt, laugardaginn
22. Ágúst, þar sem sýndar verða ljósmyndir, búningar og spiluð tónlist frá
LANGTÍBURTUISTAN. Þjóðlagasveitin Moskvitsj tekur lagið kl. 15.
Einnig gefst gestum
og gangandi færi á
að fræðast um starf UNIFEM víða um heim og ganga í Systralag
UNIFEM.
UNIFEM er til húsa í
Miðstöð Sameinuðu þjóðanna á Laugavegi 42 í Reykjavík. Húsið verður opið milli
kl. 13-17.
