Miðvikudaginn 25. nóvember var haldið upp á 20 ára afmæli UNIFEM á
Íslandi með glæsibrag. Afmælishátíð var haldin í Þjóðleikhúskjallaranum og
mættu um 140 gestir til veislunnar. Dagskrá
hátíðarinnar var fjölbreytt en fram komu bæði trúðar og forsætisráðherra, skáld
og flóttakona, tónlistarkonur og hugsjónakonur svo eitthvað sé nefnt!
Stór hluti þeirra sjálfboðaliða sem aðstoðuðu á afmælishátíðinni ásamt stjórnarkonum í UNIFEM á Íslandi
Afmælishátíðin
hefði ekki orðið að þessari glæsilegu samkomu án hjálpar fjölmargra
sjálfboðaliða og fyrirtækja. Framlög þeirra voru af öllum stærðum og gerðum;
gefin voru vinnuframlög, vörur og afslættir svo gefin séu dæmi. Allt skiptir
þetta sköpum fyrir samtök eins og UNIFEM sem leggja sig fram um að sinna
verkefnum sínum og viðfangsefnum af alúð og elju án þess að kosta til of miklu.
Hugmyndafræðin er alltaf sú að geta styrkt verkefni í fátækustu löndum heims
með sem myndarlegustum hætti. Þess vegna skiptir framlag hvers og eins máli.
Kvenlíkaminn vígvöllur í stríði – konur, friður og öryggi
mánudagur, 30 nóvember 2009
Grein sem birtist í Fréttablaðinu fimmtudaginn 26. nóvember 2009.
Kerfisbundnar nauðganir á konum í svokölluðum „nauðgunarbúðum“ voru liður í þjóðernishreinsunum serbneska stjórnarhersins á múslimum í Bosníu árið 1992-1995. Talið er að um 500 þúsund konum og stúlkum hafi verið nauðgað þegar þjóðarmorðin í Rúanda voru framin árið 1994.
Kynbundið ofbeldi hefur fylgt stríði frá örófi alda. Eftir þjóðarmorðin í Bosníu og Rúanda urðu hins vegar þau vatnaskil að stofnaðir voru sérstakir dómstólar til að dæma stríðsglæpamenn og voru nauðganir meðal kæruatriða.
Grein sem birtist í Morgunblaðinu miðvikudaginn 25. nóvember 2009.
Fyrir tuttugu árum tóku röskar konur sig saman og stofnuðu
Landsnefnd UNIFEM á Íslandi. Þær höfðu sömu hugsjónir að leiðarljósi og fjöldi
réttsýnna einstaklinga um allan heim: Að bæta stöðu kvenna þar sem réttindi
þeirra eru ekki virt að fullu, tækifæri þeirra eru takmörkuð og frelsi ekki
virt.
